Kiel mi skribis en mia afiŝo “PIV-laboro”, en “vortaro.net” estu ankaŭ ebloj redakti PIV-on, cele al la nova eldono (iam post kredeble sufiĉe longa tempo). Mi jam komencis krei tian redaktejon, kaj vi nun eĉ povas rigardi, kiel ĝi kredeble aspektos kaj funkcios.

Mi ĵus alŝutis novan version de la serĉilo de “vortaro.net”. La ŝanĝo plej videbla por la uzantoj koncernas la uzon de la radikosigno “/” (suprenstreko) en serĉesprimoj.

Mi ĵus faris aron da ŝanĝoj ĉe “vortaro.net”. La plej granda novaĵo estas la aldono de alternativa serĉilo, kiun mi nomis “simpla”, ĉar ĝi estas celita al malnovaj TTT-legiloj, kaj ĉar ĝi provizas nur la plej bazajn funkciojn.